لعلها من كل صدف سليمه أقدام شالن جسم واف المواجيب ونفس على السنّة عزيزة كريمه أقدام راع الحق موف المطاليب ميزان عدل الناس في كل قيمه أقدام نايف ساقهن درب إتعيب في خدمة للشعب لو هي تضيمه ما ساقهن في درب ظلم وتعذيب ولا حطهن في وسط فسق وظليمه نايف كما غيث إيمل المشاريب متواصل يحي الفياض الهشيمه حتى البعيد أسقاه فيض المجاذيب يشرب منه لو كان ما شاف غيمه فعله على اسمه فوق كل المراقيب نايف ونفسه للرعيه رحيمه ليّن وسمح وفيه بعد عن العيب الله عطاه إخصال من كل شيمه لا جاه مظلوم إدموعه سواكيب يبشر بوقفات السعد والغنيمه كفه من الخيرات تندى بلا ريب ماسح إدموع الأرملة واليتيمه يا صعبه مثله تجيب الرعابيب واف الخصال الفاضله والحشيمه نجيب ومن أصلاب راس المناجيب مرسي الكيان اللي وصوله قديمه صقر الجزيرة مشبع الرجل والذيب إموحّد أركان الوطن بالعزيمه بالسيف والبندق على شمخ النيب على النظا وملاويات الشكيمه نايف وسيع المعرفه رايه إيصيب إليا أخطت الأريا وصارت عقيمه راع الأمن مطفي سعير اللواهيب إمهجد إعيون الخطأ والجريمه وليا ضرب والله قوي المضاريب من ضربة وحده يقفي غريمه وله خبرة ما قدرت بالتجاريب يضيّع الحجات عند خصيمه يللي تبون من المعرفه مكاسيب تزودوا من فكر نايف وسيمه ومن الكرم ما دون بيته حجاجيب للنازحين وللجموح المقيمه إضيوف بيته ما يعدون أجانيب في قصر ولاّ وسط صحراء وخيمه ماكنهم ألا وسط بيته معازيب يلقون عنده كل يوم وليمه ما له رصيد أولا تجارة مناديب بشّر قدوم المال منه بهزيمه يمسي ويصبح خالي اليد والجيب ما له رصيد.. الا ان.. نفسه عظيمه رزقه بيومه عند من يعلم الغيب ثابت على عاداته المستقيمه الله خلق في وجه نايف.. تراحيب متهلل بأخلاقه المستديمه مطلق بن فيحان الصوينع
