زبدة العلم

والله اني على قسوة زماني صبور
كل ما زاد قسوةٍ زدت عزم وقسيت
ما شكيت للردي ولا رجيت معثور
لغير ربٍ خلقني ما شكيت ورجيت
من يقول الليالي ما تلف وتدور
ماقضى سدنب ولا عمر جدر بيت
ومن جهل واقع الأيام ميت شعور
حيلته لا حداه الوقت لوه وليت
منوةٍ لو تحقق مامتلن القبور
زبدة العلم من وين ابتديت انتهيت
مير لولا الليال وغدرها والغرور
ماتخيب الهقاوي لاهقيت وهقيت
كم هقيت بصديقٍ ماهقيته يبور
لين باع الصداقه والوفا كنبليت
الخدع والتصنع من طبوع الفجور
كان طالت سنينك مالقينا لقيت
يمتلن الصدور ويفرغن الصدور
ماطفى نور حق ولا صحى قلب ميت