الذكرى

عديم المشاعر ما عرف كيف قدر الحب
جميع المعان السامية ما يقدرها
قضى عمره المغرور ما بين هات وكب
وأنا عيني الذكرى تجدد عبايرها
سحابٍ على خد الشقاوي مطره يصب
تملت عيوني لين فاضت محاجرها
عسى الله يجيب اللي وصاله لجرحي طب
ليال الشقاء لا تم وصله يغيرها
يدين سعت بفراق الأحباب تبت تب
تموت القلوب إن كان ماتت مشاعرها
احسن إن نار الشوق بين الضلوع تشب
يزود غيابه كل لحظة سعايرها
ملكني وأنا مالي ترى غير حبه حب
لافي ماضي أيامي ولا لي بحاضرها
أهلي بطيفه حين يلفي وأقول أرحب
له النفس كثر الشوق والحب جابرها
ليا جيت أبا أكتب فيه ياشعر ويش أكتب
بيوت القصيد الوافية يوم أصخرها
ما توفيه لو كانت على اللي سواه تخب
وأنا فيه عاذرها ولاني بعاذرها