راحت سنيني

تعبت اطاوع افكارك وهي عيّت تطاوعني
حرمت القلب من حبك وانا اللي جيت لك ولهان
أحاول قد ما أقدر أعذرك وأنت مانعني
تبي تهدم منار الحب.. تجعل صورته كثبان
تبي تشككني بصوتي وتنكر ما انت سامعني
حبيبي.. صرختي دوت ولجت عالم الاحزان
حبيبي صرختي هزت ضميرك لا تنازعني
تبي ابكي عشان اخضع لحبك وارتمي منهان
ترى دمعي عزيز ولا أبي منك توادعني
خلاص ارحل أنا مثلك ابنسى ما جرى وما كان
لأني في الحياة أخطيت أحب انسان بايعني
نعم مشكور في عطفك وفي لطفك وفي الاحسان
وفي كل الحياة اللي بها أوفيت جامعني
أكيد ان الزمن خبا لك بدربك جزى العرفان
أكيد انه يوضح لك معي كيف أنت سامعني
عبد الرحمن فهد الدايل