النسيان

سهران لين النور شعشع وباني
ذكرت خل راح ما منه ملّيت
وبعده نهيت القلب عن حب ثاني
ظليت اشوفه كل ما اصبحت وامسيت
وما يغيب عن عيني ولو هي ثواني
واليوم ماله زول لن رحت وان جيت
ما كني احبه ولا هو هواني
ياما على شانه من الدمع هليت
ويا ما لهيب الشوق بعده كواني
سمعت انا طاري فراقه وضنيت
ان الحبيب اللي هويته نساني
كنت احسبنك يا وليفي لي اوفيت
وانك على عهد المحبة تفاني
واثرك بعد طول المغيبة تناسيت
وهانت عليك ايام عشرة زماني
لا واحسافه كيف عني تخليت
وطاوعت قلبك في جفاي وجفاني
كانك بعد فرقاك عني تهنيت
لا تحسبن الوقت دايم تهاني
بكره تبي تندم على ما انت سويت
واتذوق كل اللي من المر جاني
ان كان حبك مات جيتك وعزيت
والوم حظي يوم يمك رماني
معيض محمد ملحق الحارثي