صفحات الحياة

كثرت مشاريهك علي وتكبّرت
وانا على حالي وقلبي قويته
ما عن طواريك الكثيرات خبّرت
وانا افهم اللي في حياتك هويته
وعن ما يدور بداخل القلب عبّرت
وقلت الكلام اللي لشخصك نويته
قريت صفحات الحياة وتدبّرت
ولا فيه حرفٍ من حروفك غويته
وفي ما تيسر من زماني تعبّرت
وقسمك من الغالي بعد ما احتويته
ياما كسرت من الخواطر وجبّرت
وعنك الكلام الزين رحت ورويته
وياما لقدرك بين الاشراف كبّرت
وقلبي على حد النهايه كويته
وياما كتمت الهم عنك وتصبّرت
لين الامل بيني وبينك طويته