حلمي تبخّر

من يوم ميلادي وانا دمعتي دم
ما يوم حسيت الهنا والسعادة
تطردني الفرحة ويشريني الهم
ما يحتمل صبري قوي الارادة
اسهر بلا قمرا واغني بلا فم
قصايدي نارٍ وقلبي رمادة
اجامل الناشد عن الحال واكتم
والناس تحسبني صديق الوسادة
قالوا: ترى من خاف لا بد يسلم
خفت الحكي لين اصبح الخوف عادة
اضحك واسولف واخفي الجرح واندم
دين الزمن عجزت جروحي سداده
حلمي تبخّر باول العمر ما تم
عشرين عامٍ عايشٍ في حداده
واليوم كيف اصبر وروحي تألم
والقلب يبكي ما تحقق مراده
يرحمني اللي ما ملك قلب يرحم
شاعر جريحٍ متعبٍ في سهاده
ما يوم عن ظلمه شكى او تكلم
هايم ينادم وحدته وانفراده