الشعر موجود

يا محمد الشعر والا محمد الذرعي
فيهن جمعت الأدب والمجد بطرافه
عز الله ان الشعر في حضرتك مرعي
عزيت يا صاحبي قافه وميقافه
يرفع لك الصوت ياجنبي ويادرعي
اليا حداه الزمان وشاف ماعافه
و يوم انت تنشد غيابي عن ثمر زرعي
شرّهتّك مكانها راسي ومشرافه
تعبت يا ابو طلال وضاق بي ذرعي
اشيّخ العذق ما عينّت خرافه
ناسٍ عن الرئسي تبحث الفرعي
الشعر موجود دوّرلي على انصافه
عن كلمة الحق كن اسماعها خرعي
تقول مال القصيد الجزل كشّافه
احتج لاشفت مالا يقبله شرعي
واغيب لاشفتها تعمل على اسرافه
واليا دعاني قصيدي جيت ياسرعي
واعوّضه عن غيابي وارسم أوصافه
قلته وانا في مجاله وافيٍ ذرعي
وليّه على سكته بصمه وهتافه