من الراس للراس

المراجل ماتوفى بضافية الهدوم
كود بسيوفٍ يشوق النواظر حدّها
والردي لو درّس المرجله في كل يوم
المراجل عند اهلها يذعذع ندّها
يعتبر قسمه مثل قسم زاهية الرقوم
يوم تكحل رمشها والقرون تكدّها
تمسكت في حبل الصلة وتعَبَتْ يدي
بلا فايدة واليوم ذا الحبل با أهده
وبا قوس ثوبي دمت حي على قدي
وكل يفصل له ثياب على قده
فمن لا يسر بواجبه مات ما سدي
ولا خير في من واجبه مات ما سده
ياللي تحسبون الخساير والارباح
ما يربح الا من يذوق الخسارة
قولة نعم ما حازها كل مرتاح
يحوزها من شب ضو المنارة
صليب راسٍ للمواجيب نطاح
ريفٍ لضيفانه وعزٍ لجاره