تويتات شعبية

رفيقي واعده عندي اصفى من الينبوع
من أبسط حقوقي قبل يزعل يراجعني
ولانيب أحسب غلطة من قصير البوع
ولوهي كبر ضلعان اجا ما تزعزعني
**
إني أحبك، حاجة ما بها شك
وإني على كيفك أجي، كلها أشكوك
امس انفتح لك باب واليوم ينصك
تدخل بطيب او تترك الباب مصكوك
كرامتي لو افقدك عندي ابرك
لا تحاول انك تفرض شروطك أرجوك
**
تعبنا نقابل كل غلطه بصنع اعذار
صبرنا ولاظنه بقى للصبر خانه
أنا اللي أعرفه... منهج الخاين الغدار
هو اللي فعوله عكس ما ينطق لسانه
**
لا لا تمادى في خيالك وأمانيك
ومد اللحاف اللي على قَدْ رجليك
لاصار وضعك ما يوازي هقاويك
ترى القليل اللي عن الناس يغنيك
**
هو طيري اللي للنواميس هداد
وانا فتاة احلامه اللي هواها
على الشرف جاني وانا جيت وراد
وعلى النقا نفسي تبيه وبغاها