شاعر وأكثر من صورة

ناصر محمد القحطاني

عليك يا ربي وماهي على غيرك
تبديد حزني وفرقا الهم والغربة
ان كان به خير يامولاي من خيرك
وان كان به كربه..أنت مفرّج الكربة
**
ألم
اللي يجري ما هو عادي
وشلون نغض الابصار
تسّود الدنيا في العين
مع بطش وكيد الفجار
**
ذكريات
عز الله انّا كل ما نرجع ورا
نلقى لذيذ العيش والوقت الجميل
وش صار بقلوب الاوادم يا ترى
هم السبب..وإلا الزمان اصبح بخيل
**
أمنية
يا طير تلّيت المعاليق بشويش
شف من تغاريدك وش اللي طرالي
ودي مثل ما عاشوا العالم اعيش
وأجرّب اصحى الصبح والبال خالي