ستٍ مضت من عمر حكمك تقل عام

ستٍ مضت من عمر حكمك تقل عام
قلبك يحب الشعب والشعب ممنون
الله يديمك كل عام بأثر عام
يا خادم البيتين شعبك يقولون
يعيش أبو متعب على طول الأيام
حقق لشعبه كل شيء يريدون
اللي تحقق من مشاريع وأرقام
تفاجأ العالم ولو هم يشوفون
في سلم التعليم نصعد لقدام
مجمعات بكل ديره يحطون
شف جامعة نوره قبل عدة أيام
قال أبو متعب هاكم الصرح تكفون
ما صدقوا بعض البشر كنه أحلام
وشلون هالمشروع جبتوه وشلون
فخر لنا مع العرب أيضا الإسلام
حكامنا لا قالوا الشيء يوفون
مرحوم يا شيخ عن الحق ما نام
ثبت مبادئ الحكم والعدل مضمون
خلف رجال فاهمين بالأحكام
الحكم بالقرآن وإبليس ملعون
في عهد أبو متعب نباهي بالأعلام
نرفع علمنا فوق والحقد مدفون
يالله ياللي طول الأوقات ما نام
إحفظ ملكنا والمسلمين يدعون
إحفظ بلدنا من عدو ونمام
أهل النفوس الحاقدة ما يجوزون
عسى عدو الدين يتعب وينضام
عساه ما يدري وش اللي يقولون
صلوا على خير البشر سيد الأنام
شفيع الأمة يوم فايز ومغبون
عبدالله بن علي بن خليف الهويشان