دروب أمنياتي

لو أقدر أغيّر حياتي تغيّرت
وأكون آخر شخص ممكن أكونه
صعبه خياراتي وانا ما تخيّرت
مافيه احد يختار دمعة عيونه
كبير لكنيّ ابد ما تكبّرت
كابرت لو قلبي تزايد طعونه
أحيان احس إنِّي من الطيش كثرت
لا شفت عقلي يستريح لجنونه
وأحيان أحس إنِّي معي حيل قصّرت
لا من وصلت لحلمي وطحت دونه
يا ما على دروب امنياتي تعثرت
ما لان عزمي والدروب امغبونه
عليك يا حلمي بالايمان كبرت
سدِّد ديون اللي يسدِّد ديونه
وانا الذي حلفت في جوِّك ابحرت
في عالمٍ فيني تحرك سكونه
ما عشت متضايق ولاقد تكدَّرت
من جرحي اللي ما اقدر احيا بدونه
في واقعي ما اتذكر إنِّي تأثرت
إلا ليا شفت العزيز بمهونه
في وقتها لو كان يمدي تغيرت
واكون أي إنسان ممكن أكونه
الشاعر/ زايد الرويس