نوح الحمامة

لا زاد نوح الحمامة فوق خضر الجريد
جاوبتها بالونين اللي يروّع صداه
من واهج بالضمير يذوب منه الحديد
ولا يخفّف على المتضايق إلا بكاه
دمعة يتيم يشوف الناس تلبس جديد
وهو طلب في نهار العيد ما أحد عطاه
شكوى لغير الله المعبود لا ما تفيد
والناس ما تحرم الضميان والله سقاه
وأنا ذبحني ضما حبه ويبس الوريد
وإن جيت بأشكي قفل باب المعاتب غلاه
ما دام عشقه كذا ساطي وباسه شديد
بأبطي ويبطي خفوقي يعشقه ما نساه
- محمد بن سيّاف