الشعر ... والشهرة

القلب يا صاحبي لفراقكم مُكره
مسلوب دمه ونبضاته وهو حيّا
المشكله في خفوقآ ماعرف يكره
لا جيت له من هنا يذكرك منيّا
يردني لك حنين جامح بطُهره
مزروع بين الحنايا منطوي طيّا
الحب غيثٍ هما والشوق ياكثرة
والعشق طفلآ ربى من ضحكة محيّا
ما قلت لك كم دعاني الشوق من فتره
ما شفت لوني شحب واشتقت للفيّا
ياعل غصن السعادة يورق بفكره
تسقي حنايا الضلوع وتنبت هنيّا
وتظلل عروق عطشانة ومنكسره
تحتاج وبل السحاب ليبسها ريا
يا صاحبي لك بخون الكل من بكره
وأجيك أدور وطن في غربة جفيّا
ابيك تمحي براد الروح من جذره
وتبلل أوراق ذبلانة تبي الميا
وتعلم الورد وش له ينتشي عطره
وش له نحب البياض ونعشق الضيّا
وش له نحب السهر ونسامر القمره
وش له نعيش الجنون بطيشٍ وغيّا
في ذمتي ما نسيت الحب والعشره
واصلاً خفوقي على نسيانكم عيّا
لجلك أبيع الصخب والشعر والشُهره
ولو قلت لي هاجري بقول لك هيّا