شاعر وأكثر من صورة

فراج الكرشمي

يا طالب الغفران صم في نهاره
واشغل لسانك بالدعا واحي ليلتك
صوت الأذان يلج فوق المناره
قم لب دعوة من تفضل بدعوتك
***
امنية
ليت الزمن قد كذب واكذب الضربه
والا الليالي تحملني واعاتبها
ما والله اشكي صواب القوس والحربه
اللي تمثنا الضلوع العوج واعطبها
***
رحمة
زلةٍ من لسان وزلةٍ من قدم
كان ما الله رحمني مالمثلي رحيم
كل ما ابعدت عنه أعظ سن الندم
واطلب المغفره وألعن بليس الرجيم
***
تمييز
من يقوم بواجبه للضيف يالعرافي
جعل يمنى مدها ماتنثني منشلة
والصدور تفور والالسن لها غرافي
والرجال يميزون الصايبة والزلة