وا حر قلبي

جازيته بهجران وأثري أجازي
قلبي الرهيف الي بوصله مجازي
وأحر قلبي يوم اكتب وداعي
وأقول برحل جد ماني بهازي
حسيت قلبي في ضلوعي تفتق
وحسيت دمع العين ماعاد يازي
أهل غالي الدمع وأقول تبكي!
وأنت الذي من ثقيلين المرازي
جاوبني القلب الجريح وتكلم
منهو يرد الشوق لا جاك غازي
ماكن عبراتي فالحلق إلا
نارن وكل متذكره كب قازي
ابو عيونن لا نظرني سحرني
فيها يتلامع مثل لمع القزازي
كامل ويسبي كل عقلن يشوفه
حايز على كل الحسن ايه حازي
يا وجدي كل ما تذكره يضيق صدري
لو أنا في فرحه صارت تعازي
صدري الشمالي يضيق ما عاد ياسع
يضيق لين يصير مثل الحجازي
الشوق حارق قلبي والحال يرثى
بفقد خشف الريم سيد الجوازي
عبدالرحمن بن لعبون