واهني الدالهين

عندنا مايشغل القلب ويزيد احنقه
انت نومك من بلادتك يملا كل عين
والا انا نومي عثا فيه همي وسرقه
واهني العالم الدالهين الغافلين
مادروا عن جوف صدري وش اللي محرقه
والله ان بي ضيق ون بي كدر وني حزين
ون صوتي طيب راسي عن الناس اخنقه
اتظاهر بالسعادة اونا جرحي دفين
وابتسم واضحك وقلبي يساوره اقلقه
حر صدري ماتطفيه جرات الونين
حتى لو وسّعت صدري وفكيت ابنقه
والسبب جور الليالي وميلات السنين
والثقة فالصاحب اللي ماهو قد الثقه
الهقاوي عرضتني لهرج الشامتين
وسببت للقلب همه وضيقه وزهقه
السنين اتليًن القاسي اللي مايلين
وتخلف الهقوات وتقدم اللي نفهقه
كل يوم اتبيح الاسرار والخافي يبين
وكل يوم ايطيح من غصن الاحلام ورقة
وكلما زيّنت الاوضاع عيّت لاتزين
وكلما فكيت لي باب جا شي اغلقه
يامود العلم خذ مني العلم اليقين
وابلغه عني ونا اقول ادلّه واصدقه
ودي اخسر كل ما املك ولّو انه ثمين
ولا احدٍ ينظر لحالي بنظرات اشفقه
ناصر الحارثي