وهَّاج الأشواق

الشاعرة الكبيرة (عيون المها) وجديدها المتميز كبصمة تميزها في الشعر
اللي يودِّيه الوله وين ما راح
هو حق يوم إنّه يقفِّي يسوقه
طيّب.! يوم إنه راح به راح مرتاح..!؟
وإلاَّ خذاه وناقصاتٍ حقوقه..!؟
الله عليه اليا تنصَّاه واجتاح
صدره وغنّى كل لحنٍ يروقه
(البارحه ما ريَّح الجفن بمراح)
بكيت لين الفجر قرّب شروقه
أبي يروح اللي بصدري ولا راح
إلاَّ تزايد به لهيبه وشوقه..!
لدّيت يا وجه الفلس وين الأرباح
لا صارت الفرقا.. تَلاعجْ بروقه
ما ينفعك وهَّاج الأشواق لافاح
لاصار قلبه مذوياتٍ عروقه
أبكرب إحساسٍ له أيام مازاح
وأسامره ليلٍ تعدد طروقه
عادي لو أبكي للوله كل ما لاح
بس صعبه أصحى كل يوم مخنوقه
الشاعرة- عيون المها