ما هوب دايم

محمد الأحمد الشايع,, شاعر مقل في نشره,, من آخر ما كتبه هذه الأبيات الجميلة:
جاملت ما فيه الكفاية وهالحين
لابد ما صارحك وأترك مجاملك
الى متى جاملك قلي الى وين
وقِّف تصورك وطمعك أو تأمّلك
أنا مثل غيري ترآلي قوانين
أرفعك بين الناس بعدين أنزّلك
كل يقول الحاضر أحسن من الدين
وأنا ترى ما ودي أجرحك وأزعّلك
والا الى منه غدى العلم علمين
عرفت بك من لا يعرفك ويجهّلك
نور القمر لابان ينشاف بالعين
والشق ما يرفا بلا أبره ولا سلك
ولا تقول أصبر وأعلمك بعدين
الصبر كمّل من بشاعة تعاملك
عندك ثلاث أيام فكر بها زين
بعد الثلاث أيام لابد أقابلك
أما سكت وقلت والله ونعمين
أبشر بمن يم الخضيراء يوصلك
والا على رأسك قلبت الموازين
ما هوب دايم با أتحمل وأجاملك