الهجران

روح بقوى على صدّك وبقوى الهجر
دام تبغى توقف عكس مجرى الرياح
انت غلطان مالك في حياتي نظر
واعرف ان الغلا ماهوب قهوة صباح
الغلا في عروقي دم يجري نهر
من حياتي انا بعطيك مطلق سراح
صكّ من قاضي الاشجان ختمه مهر
الله اللّي جمعنا في طريقٍ مباح
والله اللي عطاني حق وقطع جسر
عهدك اللي كتبته فالليال الملاح
ليه تمحى حروفه ليه تمحى الحبر
ليه تهدم مدينة حب فيها صلاح
وانت فيها مطاع الامر تامر امر
المشاعر ترى ماهي بلعبة سباح
المشاعر بروحي مثل غرس الشجر
غرس زاهي وماء صافي زلالٍ قراح
ما تكدّر صفاه وعالي ما حدر
لاجل هذا عزومي عز ماهي طياح
ملتفت للمقفّي لو زايد قدر
روح بقوى على صدك وطعن الرماح
كان ناوي على الهجران دربك خضر
الشاعر - مقرن بن متعب الهرف