يالله ترحم راعي الجود سلطان .. ويالله تبقي صانع المجد نايف

بعبق مداد الوفاء، وبعمق روح الولاء، وهما ديدن الشعب السعودي لولاة الأمر الكرام يشير الشاعر لسيدي الأمير سلطان بن عبدالعزيز رحمه الله وإلى سيدي الأمير نايف بن عبدالعزيز أطال الله عمره وأدام عزه كخير خلف لخير سلف..
للخيل فرسانٍ وللمجد عنوان
وعلم الفخر والجود دايم ولايف
يالله ترحم راعي الجود سلطان
ويا لله تبقي صانع المجد نايف
عسى العوض باللي ملكنا بالاحسان
نلقاه عند اللي حمى كل خايف
نايف ونايف لاغشا الجو دخان
منه العدو شاف النكد والحسايف
ولي عهد لديرتي خير الاوطان
اللي حكمها بالسيوف الرهايف
عبدالعزيز اللي على صهوة حصان
داس الصحاري لين صارت مصايف
رمز الشجاعة والعزيمة والايمان
سطّر له التاريخ بيض الصحايف
خلّف ملوكٍ بالسماء نورهم بان
ما يحجبه ظلمت سفيهٍ وهايف
منهاجهم ثابت على مر الازمان
مثل الجبال الشامخات النوايف
ويا لله انا طالبك عفوٍ وغفران
لكل الذنوب ثقالها والخفايف
وطالبك تبقي دارنا أمن وآمان
في ظل عبدالله وفي ظل نايف
الشاعر- صالح محمد العنزي