النشامى

شاعر ويوزن كل هرجاً يقوله
وقد ذاق من عذب العدود المناهيل
وعدا بروس الشامخات المهوله
يقولها اللي يفتل القاف تفتيل
واليا بغى ينقض نقضه بسهولة
يا وقت كنك كاثراً بالغرابيل
والفكر منك غارقاً في ذهوله
أعميت ناساً في عماها مظاليل
ناساً على الطيب دواماً زعوله
يبذل معاها الطيب والجهد والحيل
ويقدم أيد العون وترفض قبوله
يبغى يرقيها بعال المنازيل
ويبغى لها بالطيب صوله وجوله
فتقول نفاخ ولالك مداخيل
حنا نعارض كل شيء تقوله
تقول ينصب يوم هو يذبح الحيل
وتنفق يمينه كل شيء تنوله
وداره لعطران الشوارب مداهيل
وتلقى السعد من زار بيته وجوله
تلقى صواني الحيل والبن والهيل
شيخ لفعل الطيب ما أحداً بحوله
وبين النشامى له مقام وتنزيل
فيه الوفا والطيب ونبع الرجوله
ناساً ما توصل حول ذا بالمواصيل
بالمرجلة والطيب ما يوصلوله
وكسب المراجل ما يجي بالتساهيل
والطيب ما يبغى رجالاً كسوله
وأختامها وأعداد وبل وهماليل
على نبي الله محمد رسوله
بدر هادي ال وبر