فيصل الر ياحي

شاعر وأكثر من صورة

موقف الرجال يعرف غني ولا فقير
الغنى والله غنى العقل كان الله عطاه
والغنى بالمال يفنى ولافالمال خير
لوكنوزه تازن طويق وجبال السراه
****
توجّد
الا ياوجد روحي كل ماهبت هبوب النود
وجود اللي تعنى في حياته وانتهى صبر
يشوف الهم قدامه ويسري فاليال السود
على حلم السنين اللي عطته من العنا عبره
****
حرمان
ألا ياللي تنشدني وراي من الفرح محروم
ترى هذا الزمان حظوظ ياناشد عن أحوالي
لكن الصبر نعمه والفتى يحيا على المقسوم
وكلٍ مايحوش الا نصيبه فأول وتالي
****
أشباح
نحاول نرجع الذكرى ولكن الزمن مغرور
خذا منا جميع الذكريات وهبهب رياحه
زمانٍ ماصفالي وان صفى ساعة عليه قصور
حرمني بسمتي واسدل ظلامه واطلق أشباحه