صنيتان المطيري

شاعر وأكثر من صورة

مكتوب أواجه ما كتب في جبيني
و عزاي كل الخلق في حكم خلاق
و دنياك هذي كلها دمعتيني
دمعة لقاء.. و الثانيه دمعة أفراق
***
اشتات
يابو فهد ماكل ماكتب ينقال
ولا كل ما ينقال بالذهن مكتوب
يابو فهد تدري وأنا ادري عن الحال
اخوان يوسف هم سبب دمع يعقوب
***
ديار قلب
لعل الحيا يسقيك يا ديرة الخلان
غلا الدار عندي من غلا واحدٍ فاقه
يحببك في الديرة الي اغليت حب انسان
وكم انسان ترخص باقي العمر لفراقه
***
بعثرة
جرح توسط في حنايا فؤادي
وليت الجروح ضيوف يومين وتروح
بعثر ورقنا هالزمان الرمادي
ولا اصعب على الانسان من غربة الروح