حب الناس للملك الغالي عبدالله بن عبدالعزيز -أطال الله عمره وأدام عزه- يمتد لكل القلوب على امتداد الوطن العربي والإسلامي و(شاعر البحرين الجزل) سالم بن جخير العرجاني يخاطب ملك البحرين في قصيدة رائعة، يرد عليها مؤيداً ومشيداً بالأواصر المتينة الثابتة بين مملكة البحرين والمملكة العربية السعودية.. الشاعر الجزل راكان بن بدن السبيعي. ياملكنا كلنا رهن الاشاره لابدا الازم وجا وقت الحميه احتزم فينا وحنا عن جداره لاوقفنا نارد احياض المنيه طالت الدعوى وشعبك شب ناره ومابقى قدامه الا العنصريه مابقى في روسنا غير النعاره ضاعت اريانا وضيعنا الوصيه علم اللي خان حكامه وداره ماله الا السيف ولا البندقيه وعلم اللي قال في راس المناره يسقط الحاكم ويبقون الرعيه ايخسى مادام هذا هو شعاره بلطجي ومؤيدينه بلطجيه كلنا البحرين مافيها استشاره وكلنا ضد الفتن والطائفيه بيض الله وجه من صدر قراره وقال صرح ياوزير الخارجيه من نوى البحرين نسعى في دماره ولا تدخل فالشؤؤن الداخليه دونها لو نلحق الغاره بغاره مانخليها مادام الروح حيه ميل اعقاله ولا ميل وقاره وجاته الطنخه وجات الوايليه اشهد ان الجار وقف جنب جاره وماخذل شعبه ولا خلا خويه قلتها وانا من اللي فالصداره ولابتي عدت حدود الجاذبيه نشرب الدم المصفى فالغضاره وان خوى له مثل كيف الشاذليه ياملكنا صبرنا طال انتظاره ياحكيم الراي وش حل القضيه حلها واختار في وصف العباره يا تبيها سلم ولا عسكريه لايهمك من يدور للاثاره والولا لك من بعد رب البريه وقصرك الشامخ لو يصوت اجداره جاوبته المملكه والفيصليه الشاعر - سالم بن جخير العرجاني-البحرين
