ما جاك مني يا حبيبي خطيه وما جيت درب للخطا والعواثير والله ولا شفت مني اذيه ما شفت مني غير حب وتقدير اخلصت في حبك وانا لك وفيه انا على شوفك اسوق التباشير يا واحد ماشفت بالخلق زيه صورت حبك داخل القلب تصوير وسلمت لك قلبي وروحي هديه تعبت من كثر السهر والتفاكير وعقبك حياتي يا حبيبي شقيه ودموع عيني فوق خدي محادير يشهد على ما قول رب البريه كسرت قلبي بالغلا حيل تكسير ما انساك لو زرت حوض المنيه ماهزني يا نور عيني هوى الغير هذا ولا لي بالمخاليق نيه تكفيني اللوعه ويكفي تحاسير ترى جروحي في ضميري خفيه لانيب في راحه ولا نيب في خير ولا ميته عقبك ولا نيب حيه عطني على الهجران والصد تفسير وقلبي علامك ليه تقسى عليه صدفة
