سلام يا ديرة حبيبي

سلام يا ديرة حبيبي بالصباح وبالمسى
يا ديرة بوجود خلي كل يوم منورة
ما انساه لو غاب وتركني للبهاذيل ونسى
واللله لا الف الكون كله شبر.. شبر ادورة
قلبي رحوم ان كان قلبه عقب هالعشرة قسى
بأول لقاء وآخر لقا وسط الخفوق مصوره
وأنا ادري انه ما تركني كود من كيد النسى
وإلى برك حظي فانا غصب عليه اثورة
مادام حبه وسط قلبي يوم قابلته رسى
والله لا أباهي في غرامه واحفظه واطوره
قالوا يحبك لا تخاف وقلت يا ربي عسى
إلى ذكرته صرت احس ان العيون مغورة
معروف بالطيبة وبالعفه وبالزين اكتسى
لاقام يمشي كن قلبي من غلاه مسورة
ما شفت مثله بالرياض وبالقصيم وبالحسا
ازريت ابلقى مثل زينه لو بغيت ازوره
وما غير يهذي في حبيبه بالصباح وبالمسى
اللي لا غادر ديرته تظلم ولو هي منوّرة