نشرنا في عدد الاسبوع الماضي لغزاً كتبه الدكتور سعد الرامي وكان نصه: أنا أبا أنشدك عن عودٍ يخدم الناس بالمجان ولايزعل.. ولا يخجل إذا ماقيل غلطاني يعاف الزاد.. لكنه على الما دائما شفقان والى منه نشف ريقه تشوفه دوم عطلاني وقد توصل الى الحل الصحيح بأبيات على نفس «البحر» ونفس العدد كل من الشعراء: أنا أبا أنشدك عن عود يخدم الناس بالمجان ولايزعل.. ولا يخجل إذا ماقيل غلطاني يعاف الزاد.. لكنه على الما دائما شفقان والى منه نشف ريقه تشوفه دوم عطلاني الدكتور سعد الرامي إليا قالوا لنا شارك أشارك ورضي الزعلان وأنا ماهوب يزعلني كلام إفلان وفلاني أنا برم الهدف لو كنت «يالرامي» مني بخلان قلم حبر يخدمك دامه من الحبر ملياني ناصر المسيميري الرس عرفت اللغز وأثر اللغز يادكتور شأنه شأن مكاتيب الولي تنفذ على صابر وجزعاني نزل بأبيات مكتوبه على الانسان هو والجان لكنه يتعب الطالب ولا يشريه عمياني عبدالعزيز عبدالحميد ابو سرداح دخنة هلا بك ياسعد رامي ولغزك شفت حله بان أنا برميه رمية ياعساء مانيب غلطان أنا قلت القلم جلة عساء ماني بعد غلطان أنا حليت لغزك ياسعد وأرسلت عنواني سعد بن صنهات السهلي الدرعية أنا أقول القلم منذ القدم عبر أقدام الأزمان ولا غير القلم حسب المعرفه حل ملياني قديماً كان ريشة طير بالنيله وزعفران وحديثاً حبر متنوّع بكل اشكال الالواني جلعود بن لافي الشمري حائل أنا ماودي أجلس يا«قلم» في عالم النسيان أبشارك مع حل اللغز والشرهه تعداني ولاني خايف القرعة ولامن وضعها زعلان تجي في قسمتي وإلا تروح ألواحدٍ ثاني صويلح بن عبيسان الشيباني الرياض هلا يامرحبا بالشاعر اللي يبدع القيفان هل العليا لها لامن طلع للخيل ميداني ترى هذا القلم يكتب بلا حجة ولا برهان ولا منه حصل تقصير فالكتاب غلطاني سالم عبدالله العرجاني الافلاج هلا بك ياسعد مرحب عدد ماهلت الأمزان هلا يامن حبك لغز جميل النظم ملياني ترى حله قلم حبرٍ بلا زود ولا نقصان يقوله من لقى حله وجاب العلم وكداني صالح عبدالله الزرير التميمي الرس يقولون الربع لغز الجزيرة وش طلع يافلان فقلت اللغز حله واضحٍ لانظار الاعياني لو الدكتور ابن رامي مصعب حل لغزه بان ترى حله «قلم» معروف له بين العرب شاني سالم مقبل الحربي القيصومة هلا يامرحبا في صفحة تستاهل التيجان علشان التميز دوم فيها اشكال والواني بعد هذا قرينا اللغز واللي كاتبه فنان واظن ان «القلم» قصده ولاله مقصد ثاني عطا الله بن سليمان العطا الله الزلفي نحل اللغز بالأقلام والأوراق والقيفان على شان القلم فوق الورق بالحبر ملياني وابا كتب بالقلم واقول يادكتورنا الفهمان تعيش لدولتك ولمهنتك في كل ميداني محمد علي السالمي رفحاء سلام الله عليكم ياسعد من خاطر ولهان عسى ربي يوفق من يشارك ضمن الاخواني لقيت الحل والمعنى صحيح وافي الاوزان قلم حبرِ يزيْن الخط لاجا بِيْدِ فناني علي رشيد الرشيد رياض الخبراء ضميري هاض واللي هيض بصدري من القيفان اجابة لغز للدكتور قيفانه على آني ترى حله يا ابن رامي «قلم» بين العرب له شان بعثته لك عبر فكس الجزيرة حل وكداني سالم عقيل الحربي القيصومة كتبنا بالقلم حلٍ صحيح وكامل الأوزان نبي نرسل حروفه يوم حل اللغز لي باني أنا قلت القلم حله ولاغيره بفكري بان ولو ما كان هو حله ترى ماني بزعلاني راشد محمد الحجيلان حائل على رغبة رجال الطيب وأهل العرف والتثمان عزمنا نوفي المعنى.. ونسرج عذب الألحاني مادام إن العطا لاهل الثنا موقف.. وقول لسان ورا راس «القلم» مايكتب الإبداع من ثاني فهد الجروان الزلفي سعد محمد الرامي قطف من دوحة البستان بعد عسر الجهود اللي توالت طول الأزماني واخذ حرفٍ من حروف الهجاء يصعب على الكسلان على بيض الورق خط القلم شفته بالأعياني عبدالله بن غازي الحنيني الضلفعة الا يامرحبا بك عد ماهل المطر هتان على دار ثمرها من عزيز الوبل رياني عرفنا ان القلم ينطق ولاله بالوجود لسان ولكنه يسجل بالمعاجم كل برهاني خليف الحربي الرياض ألا يامرحبا بك ياسعد واعداد نجم بان وابهدي لك سلام خالطه ورد وريحاني ترى حل اللغز واضح وانا له عارف وفهمان كتبت الحل انا لك (بالقلم) مانيب غلطاني فهد بن باز حوطة بني تميم هلا باهل المعرفه والوفا والعلم والقرآن هلا ماغرّد العصفور يرقص فوق الأغصاني بعد ماجيت ياراعي القلم بوابة البستان جماهير الجزيرة صفقت والكل فرحاني محمد عبدالكريم الغزي الزلفي عرفت اللغز يالدكتور ياللي تسجع الالحان ومعناه القلم له ياطويل العمر برهاني وكم واحد تعلم به حديث وماض الازمان هذا حله هذا حله واقول لكل من جاني
