حلول اللغز

نشرنا في الاسبوع الماضي لغزاً كتبه الشاعر عبد الله الداموكي يقول فيه
انا ابنشدك عن عذرا جماد وعودت حيوان
وعادت مثل ما كانت جماد وفاز راعيها
وهذي حكمة الفرد الحكيم منزل القرآن
وقوم كذبت فيها وقوم صدقت فيها
وجاءت الحلول كما يلي:
هلا يا مرحبا باللغز واللي نظم القيفان
من اللي عادته رمع المعاني من معانيها
ترى العذراء عصا موسى وهذي آية الرحمن
غدت حيه وهي كانت عصا في يد راعيها
رحيم الجلعود
مدينة سميراء
يجيك الرد وافي من ضمير الشاعر هديبان
علومٍ يالرشيدي معك ناخذها ونعطيها
ترا اللغز عصا موسى قذفها وعودت ثعبان
وصارت حية تسعى وفرعون أبتلش فيها
(هديبان بن راشد) الجعفري
الدوادمي
عصا موسى يا عبد الله جماد وعودت ثعبان
بقدرت من جميع الخلق بعد الموت يحييها
عسى من ناشي المزن المروح تشرب الأوطان
نشوف العشب بعد السيل نابت في روابيها
بدر خلف الحزيمي
يقول اللي قرأ المصحف وحاول يحفظ القرآن
يعرف القصة اللي خاب فرعون بتاليها
عصا موسى هي اللي ما بها سحر ولا طغيان
وهذا لغز عبد الله يعرف لحل راعيها
سعد سلطان الجلعود
مدينة سميراء
قرينا لغز عبد الله على الصفحة مع الشجعان
هلا به عد ما هلت من القبله مناشيها
وانا بعطيك حل اللغز يا راع الوفاء مليان
ترى حله عصا موسى وتاكل بأمر واليها
منير مذكر العضياني
هلا ما هل هماله,, وهبت نوده مسيان
تحيات الوفا والطيب لأهل الطيب نهديها
والا سبحانه من سوى (عصا موسى) النبي ثعبان
إله الناس خالقها ورازقها وواليها
خليل الشبرمي
الرياض
يا عبد الله عرفنا اللغز ما يحتاج له برهان
عصا موسى جعلها الله حية بأمر واليها
بها موسى غلب فرعون واهل الشرك مع هامان
ونصره الله على اهل السحر قاصيها ودانيها
مسفر الصفاء الغامدي
الباحة
الا ياللي كتب اللغز لغزك واضح يا فلان
عصا موسى حلول اللغز انا ماني بناسيها
سخرها الله وصارت حية سبحانه الرحمن
ذكرها الله بتنزيله وكل الناس توحيها
فهد بن عقيل الشعبي الحربي
بريدة
هلا بالشاعر اللي حابك لغزه مع الأوزان
وعطانا اللغز بأبيات صحيحة في معانيها
جواب اللغز يا شاعر عصا وتغيرت ثعبان
وتراها هي عصا موسى ورب الكون محييها
المرسل عبد الله مبارك الجريدي
المزاحمية
يقول اللي لقا العذراء تطوى كنها ثعبان
على من خصصت له وارسلت يقوي تطويها
جماد من خشب كانت وكانت قدرة الرحمن
عصا موسى على فرعون قدرة من يواليها
ساكر بن الاشقح بن قعبوب
نبي نعطيك حل اللغز يالشاعر على البرهان
علوم اهل الوفا والعرف تعرف من مباديها
عصا موسى بامر رب السماء تسعى كما الثعبان
بامر رب البشر سباحانه الخلاق محييها
صالح عبدا لرحمن الناصر
الزلفي
قريت امس الضحى لغز جديد محكم القيفان
ضبطه الشاعر اللي قام يخت من رواسيها
ولقيت الحل في دبرة عظيم المقدرة والشان
إله ناصر موسى على فرعون طاغيها
نصره بمعجزة عظمى تهيل الفكر والاذهان
ترى هي العصا ياللي نشدت اليوم تبغيها
بندر عبد الله العريدي
الزلفي
سلام الله سلام والبقا للواحد المنان
وعبد الله نشر لغز وللقراي ممليها
ترى هذي عصا موسى الى فرعون مع هامان
من الآيات رب البيت لاهل الفكر معطيها
سليمان سعد الدويش
الزلفي
على اول ما قريت اللغز حله واضح لي بان
وهذي تاسع آية من عمل موسى يسويها
عصاه اللي جعلها الله لقومه اكبر البرهان
سعت بين الملا ثم ارجعت له بأمر واليها
مطلق جلعود الجلعود
هلا باللي كتب لغز جميلٍ كامل الاركان
يعرفه من قرا الآيات وامعن في معانيها
ترى حله عصا موسى قلبها مكون الاكوان
جعلها حية تسعى وتاكل من يباريها
احمد عبد اللطيف المديد
الزلفي
أبا ارسلها على فاكس الجزيرة ما تبي عنوان
ابا اكتبها بحل اللغز للقاري وابا اهديها
عصا موسى يكون الحل اذا ما كنت انا غلطان
وهذي معجزة وامة محمد تعترف فيها
مرزوق فايد القلادي الرشيدي
قريت اللغز بالصفحة وحله من قريته بان
عصا موسى امام الناس والسحار ملغيها
بعيد الزينة اللي جهزه فرعون للطغيان
كتاب الانبياء والقصة اللي فيه قاريها
محمد نوران جهيم الرشيدي
الرياض
الا يا مرحبا ترحيبتن يرجح بها الميزان
لعبد الله عوض مع نفحة الذعذاع نهديها
عصا موسى على موسى السلام نردده يا فلان
هذا هو حل لغز الصفحة الي نفتخر فيها
خالد سلطان غزاي العتيبي
هلا بالناشء اللي يوم ينشد يا زن القيفان
يجيب الطيبة والطيبة من حظ راعيها
ترى حله عصا موسى ولا ظني بها غلطان
تبطل سحر من يسحر ورب البيت حاميها
حماد جزاء هجاج الحنيني
ضريه
سبحان الله علام الغيوب منزل الفرقان
امنزل معجزات كل عاقل يتعظ فيها
نصر حزب النبي موسى على فرعون مع هامان
جموع السحر قدام العصا خابت رجاويها
تكفل ربنا في نصرة أهل الحق والايمان
ينجيهم من الاعداء الى كبرت بلاويها
محمد سعود بن زايد
هلا يا مرحبا ترحيبة نزعل بها العدوان
على صدر الجزيرة منا نصادق من يعاديها
قريت اللغز بتراث الجزيرة والهدف نيشان
عصا موسى سحر فرعون تلقف ما يلاقيها
سلطان ماضي الهويملي الحربي
القصيم
انا ببدا بذكر الله وابشارك مع الاخوان
عسى الرمعة تصيب ولا تقول الناس مخطيها
عصا موسى غدت حيه بحكم الواحد الديان
وعادت مثل ما كانت وأخذها واعتصى فيها
عبد الله عايض الحربي
عرعر
هلا يا مرحبا ترحيب عد الحضر والبدوان
هلا يا مرحبا باللغز من ابدع قوافيها
الا يابو عوض لغزك نحله باصدق البرهان
وهذي هي (عصا موسى) عصا والله يمشيها
فاهد بن محمد ناصر بن مريحة
الحرملية
جريدتنا الجزيرة للوفا صارت هي العنوان
تطور حاضر الامة وتربطها بماضيها
بعد هذا عرفنا حل لغز الشاعر الفنان
عسى الله يسعد ايامه ويسعد له لياليها
بقدرة من بسط سبع ورفع سبع بلا عمدان
عصا موسى كلت كل الحيايا بأمر واليها
عطا الله بن سليمان العطاالله
الزلفي
الا يا حظ رفرف لا تكاسل وانهض الجنحان
ديار ما تصبحها مصيبة لو تمسيها
لو انك من قبل معروض يا حظ الشقا ميحان
فلا والله اشيل الجمر والتمره اخليها
تبي من كبر جورك تكتب ارساله بلا عنوان
تقل تملك عصا موسى على كيفك تمشيها
الزلفاوي
الزلفي
الا يا الله يا محصي عباده يا عظيم الشان
ابي منك الرضا ولك الرضا والروح تهديها
اله تحسب اعمالي وما قدمت بالميزان
وتعلم سر خلقك بأول الدنيا وتاليها
(عصا موسى) بقدرتك العظيمة القيت حيوان
وعادت مثل ما كانت عصا بيدين راعيها
صويلح بن عبيان الشيباني
الرياض
جز الله من بدع وابدع بيوت اللغز بالاحسان
يا حيث انه قلوب الناس في معناه يحييها
فهيم لا رمى صوب الهدف ما يخطي النيشان
يشوف اللي بعيد وحجته محد يجاريها
وعصا موسى بعد هي نشدته والقصد والعنوان
حقيقة قد تجلت للملا سبحان مبديها
فهد الجروان
الزلفي
عرفنا لغز ابن داموك والسر المخبا بان
على كلمة صحيح القول كاتبها وقاريها
قرينا الآية اللي نزلت في محكم القرآن
عصا موسى على فرعون ما تبرا مكاويها
وتمت والسلام اختام لا زود ولا نقصان
على شعب الجزيرة بين بايعها وشاريها
نافع الحربي
من الرياض
قريت اللغز يا للي تكتبه لغزك غميق وبان
حقيقة تعجز الرجال لا منه نظر فيها
عصا موسى وسبحان الاله منزل القرآن
وقوم كذبت بالحق جعل الله يجازيها
تركي عايض مرزوق العتيبي
الجمش
ولغزك شخص مرعب لكن بحله غصب ينبان
بيوته نادره لله دره كيف يبنيها
دريت ان الله اوحى للعصا وتحولت ثعبان
وانشهد فاز موسى والبقية روحوا فيها
اختكم ام جواهر
بريدة
أنا بخبرك عن عذراك وهيه للمثل عنوان
وهي عضد من الرحمن الى عبده يقديها
عصا موسى نبي الله خلقها راعي الاكوان
سحر فرعون قالت به ولا يمكن يجاريها
بنيان بن عاتي الشامري
الافلاج
الا يا مرحبا باللي عرفنا لغزه المليان
تبين من بيوت قالها وبانت خوافيها
ترى هذي عصا موسى جعلها ربنا الرحمن
قلبها حية تسعى وتمشي في مساعيها
وهذي حكمة المعبود بامره كل شيء كان
وعادت مثل ما كانت الا سبحان مخفيها
محمد بن عبد العزيز الخنيفر
أشيقر
الا يا كاتب لغز بيوته سجلت بأتقان
ترى العذراء عرفناها ومنهو كان راعيها
ترى حله عصا موسى نصره الواحد الديان
على قومه وفي سورة من القرآن نتليها
هندي نابت الغياثات
الافلاج
سلام الله عليكم من رفيق مولع ولهان
يشارك في حلول اللغز باولها وتاليها
ترى حله عصى موسى بدت تهتز مثل الجان
دحر فيها سحر فرعون وازرا يلاقيها
علي رشيد الرشيد
رياض الخبراء
هلا يا مرحبا يا اصحابنا يا هل الوفاء والشان
بعدما شفت لغز فالجزيرة كاد قاريها
وهذي معجزة يااصحابنا من دبرة الرحمن
عصا موسى قلبها الخالق لحية يمشيها
بعد ما جمّع اهل السحر ما يبغالها برهان
عصاته عودت حية وساحر يلتفت فيها
ماجد بندر السميري
الرياض
على ما تشتهي والجو دافي والمطر هتان
تبي ذيك الفياض اللي تميز في روابيها
ربيع تضحك ازهاره والا احلى من هكا الالوان
تراحيب الخزامى والنفل لا اقبلت توحيها
ولا غير الحبارى والارانب فيه والغزلان
تراقص لك طيور الجو فرحانه بأغانيها
ولا كد مرها فرعون وجنوده ولاهامان
ولو فيها حيا يا جت عصى موسى تلاقيها
محمد بن عبدالكريم الغزي
الزلفي
الا يا بوعوض لغزك مع هل العرف شانه شان
يقوله من قرأ طه من أولها لتاليها
عصى موسى قلبها الله عقب ماهي عصى ثعبان
وبعد ما شدها عادت عصا له بامر واليها
فارس التميمي
قرينا لغز عبدالله وله عند العرب عنوان
وكل اللي قرا القرآن ما هو جاهل فيها
عصا موسى تهز وتستثير وتاكل الديبان
كفر فرعون واعوانه وتابوا وآمنوا بيها
ضيف الله لاحق الشاوي
الرياض
قرينا لغز عبدالله وعز الله طلع مليان
بيوته وافية واحلى من أبيوته معانيها
وسبحان الذي خلى العصا تسعى كما الثعبان
وعادت مثل ما كانت عصا سبحان محييها
وهاذي معجزة موسى من الخالق عظيم الشان
لكن فرعون لو شاف آية الله ما اعتبر فيها
سعود بن شنار السهلي
الدرعية
سلام الله على رجلٍ فهيم وشاعرٍ فنان
يجيب اللغز في لحظة ولابياته يسويها
وعصى موسى جواب اللغز وعندي ياولد برهان
والا يا سعد يا عربان منهو مصدق فيها
عبدالكريم بن احمد البدر
الزلفي
سلام الله سلام يختلط عوده مع الريحان
على الصفحة وراعيها وقاريها وطاريها
رمى موسى العصا والله نصر موسى على الشيطان
وناس كذبت فيها وناس صدقت فيها
صالح سفر العمري
قصص فيها العبر تروى وصارت من قديم ازمان
قصص رسل الله المعبود ما تنضب معانيها
هلا باللي نهل معنى اللغز من دوحة الايمان
عرفنا الحل يا النشمي وبان اليوم خافيها
عصا ما مثلها يا بن عوض في جملة العصيان
(عصا موسى) غدت حية وطاعت حكم باريها
منصور عبدالله المجيدل
الرس
ولا يابوعوض لغزك عظيم ومعجزة قرآن
جميع الناس تعرفها من الداني لقاصيها
عصا موسى ترى ماهي خفى والله عظيم الشان
وله في الخلق تدبيره ورب الكون باريها
مبارك محمد بن طرجم الصغاوين
وادي الدواسر
بيوت الشعر في داري تفوح بريحة الريحان
اوفيها واقفيها واصفيها واحليها
الا يا ربنا تحفظ ملكها يا رفيع الشان
ألا يا من عصى موسى من الآيات مجريها
عبدالله بن غازي الحنيبي
الرياض
قبل حل اللغز اهدي تحياتي لكم يا اخوان
محرر صفحة تراث الجزيرة ثم قاريها
ولغزك واضح حلهعصى موسى بلا حقران
وذي سنة عظيم الشان ومثلك قانع فيها
محمد مرشد التميمي
حائل
قريت اللغز بالجمعة وحليته وانا عجلان
ترى حله عصا موسى ومحدٍ جاهل فيها
أحمد علي الحربي
ضرية
قريت للغز عبدالله ترى مانيب انا غلطان
ترى حله عصى موسى هو اللي فايز فيها
مي علي سعيد الحربي
ضرية
عصى موسى نبي الله هي الحية هي البرهان
ذكرها الله في كتابه تعالى الرب باريها
قلت الحل وارسلته الى الصفحة على العنوان
ويوم الجمعةالقادم يبان الحل لقاريها
مناحي بن سعد السبيعي
ألا ياالله يا وال الملا يا رب يا رحمن
ديار العز من وبل الغمام اليوم تسقيها
عصى موسى نبي الله دليل الحق بالبرهان
زعامات السحر والدجل عجزت لا تجاريها
مشاري خالد الدعجاني
الوشم شقراء
هلا يا مرحبا يا شاعر ماجابك النقصان
تحية من صميم القلب ارددها وأغنيها
سؤال اللغز في حلّه يوضح صحة البرهان
وجوابه عصا موسى وموسى صار راعيها
بأمر ربي عصا موسى قلبها واصبحت ثعبان
دليل يظهر الدعوة وصادق من مشى فيها
عبدالإله بن حسن القعيري
المزاحمية
بدينا بالاله اللي خلق خلقه عظيم الشان
يميت الخلق ثم يقدر نهار البعث يحييها
(عصا موسى) جعلها حية تسعى لها برهان
وخروا ساجدين اهل السحر والخوف غاشيها
وأمر موسى بضرب البحر واغرق زمرة العصيان
جنود العاصي اهلكهامن اولها لتاليها
موسم بن سفر القثامي
الطائف
هلا يا مرحبا بك عد ما غرد على الاغصان
طيور غردت بالصبح تحرى شخص يرميها
وعصا موسى رماها بأمر ربه وقلبت حيوان
وصارت حية تسعى وتأكل من يواليها
راضي بن فهد الراضي
قصيباء
هلا يا مربحا بالشاعر اللي يبدع القيفان
بيوت الشعر تعجبني غزيرة في معانيها
قريت اللغز بالصفحة وبجيبه على الاوزان
عصا موسى كثير الناس سامعها وقاريها
فيصل بن فهد الراضي