مثل الجدي مرساه ليله نهاره والحنظلة لو هي على شاطي النيل زادت مرارتها القديمة مراره عبدالله الويحان ***************** ياما على الجاهل يفوتن الأفوات وياما على العاقل تصير البلاوي لا صار ما تأخذ أمورك بحيلات يصير عقلك والهبال امتساوي صالح سند الحربي ***************** كأنك كبير.. ومعجبك كبر دنياك والها بقلبك صار حبٍ كبيري اذكر ليا قفيت عنها وشلناك ولقيت مثواك الأكيد الأخيري محمد بن شلاح المطيري ***************** صداقة تبنى على رخاية الراس تترك لمن يقصد وراها مقاصيد وصداقة تبنى على العز لا باس ما يلحق الرجال فيها مناقيد فيصل بن منصور الرياحي البقمي اختيار زهران عون الله المطيري - بريدة