هو الشاعر سالم بن عبدالله بن فهيد الأخبه القريني ولد رحمه الله بمدينة الرياض قبل دخول المغفور له الملك عبدالعزيز مدينة الرياض وقد كان شاعرنا من محبي العرضة يقول رحمه الله في مدح قبيلته: ترى القرينيه لهم حظ كبير ردت عقيد القوم لاجل إجهالها كم من هنوف دمعها يحفي النظير قامت تشق الجيب بعد إرجالها من ضرب ربع تودع الهامه تطير إمجربينٍ عند ذي وامثالها لا من غدا بارودها مثل الغثير يردون حوض الموت ورد إنهالها وله من قصيدة أخرى في مدح خاله حمد المزوده الاخبه رحمهم الله جميعاً: حول حمد صلب جدي ملحق التالي من بندقه كدت الرقه لواحيها من يوم حول عريب الجد والخالي تنسمت حوض الانضاء هي واهاليها لعيون من هي تعيب لأخذ الانذالي تنشد عن الطيبين وهم شهاويها كم واحد عند روحه ماله امثالي خلي الركايب وخلي من يناجيها الهوش عود على ماضين الافعالي رمايه الشره لا من جت لقاويها وكذلك قوله في ديرته : ذا شعيب راحوا اللي يدهلونه ربعي اللي تذبح العود الخماسي ما بقى إلا الجيل هذا ما يبونه فالبلد عند التكاسي والتباسي كل يوم للفطور يقربونه من خمير الفول والخبز المهاسي وكذلك في قصيدة أخرى في فن العرضة يقول: ربي المطلوب سمح لي النيه أذكر الله وادحر إبليس لاجاني هاضني عرضة عيال عواجيه ذكروني فعل ربعي وخلاني وقوله في قصيدة أخرى : ياالله اليوم ياواقي شرور البلاوي لا بنخطي ولا نرضى بذيك الغبينه انشد الربع مني يوم ليل العزاوي يوم بعض العرب خالف وخلى قرينه وكذلك قوله: ياحمود شفي شعيب فيه غدراني فرع الجزيرة على الهملول يسقيها وأيضاً قوله: حن الاخبه عريبين بالانسابي سعد منهو نهار اضيق يندبنا وقد كان شاعرنا رحمه الله شاعر حماس من الطراز الأول ولديه الميول في فن العرضة وهو أحد كبار جماعته ومن اعيانها المعروفين لما يتمتع به هو ووالده واعمامه من مكانة كبيرة بين جماعتهم وعموم قبيلتهم. وقد توفي رحمه الله في مدينة الرياض في محرم 1422ه عن عمر يناهز المائة عام، وقد كان رحمه الله يتحلى بالكثير من الصفات الحسنة .. وقد رثيته بهذه الأبيات البسيطة : يا فهيد عمك داعي الخير ناداه والحمد للمولى عظيم الفضايل كل القبيلة بعد ما راح ترثاه وترثاه ذيك السالفه والمثايل واعمي اللي كل الامثال تنصاه ينشاف لاجانا من الضد صايل واعمي اللي ماخبرنا خطاياه سوه على اللي يقطع الدرب عايل ما زعزعت «...» على غير مقداه إلا على خطوى خبيث الدغايل مرحوم ياللي منبع الطيب مجناه سند لابوه وعند خاله دلايل متحاوده بالطيب ربع سماه شروى عمامه والجدود الاوايل
