قصيدة ترحيبيه

ربٍ تحكم في تصاريف الأزمان
نبدأ القصيد وكل مطرود ملحوق
ويالله تثبتنا على درب الإيمان
يا مرحبا ما تبدي الشمس بشروق
وما غاب نجمٍ بالليالي وما بان
وإعداد ما تاضي سماء نجد ببروق
وإعداد وبلٍ هله المزن ودان
وإعداد ناسٍ بالهوى هزه الشوق
وما غرد القمري على روس الأغصان
بميرنا اللي بالوفا معتلٍ فوق
فوق الثريا ما وصل مثله إنسان
فيصل عريب الجد ماهوب مسبوق
بالطيب يسبق باللوازم بليهان
والنائب الحر الصخي عالي الذوق
ما جابه ألاَّ حظنا راع الإحسان
ترحيبٍ أحلى من درر بكر النوق
من ربعي اللي باللوازيم شجعان
تمت وصلوا عد ما ينبت عروق
على النبي المصطفى نسل عدنان
* فهد راشد آل غنام الشمري
معلم حاسب آلي
ثانوية ضرية