أحاسيس ومشاعر

سهرت الليل أخيل المزنه اللي بالظلام اتشوق
سهرت مع النجوم الساريه بالليل اخايلها
نشت وانشت من المنشارعود وشعشعت ببروق
نشت والنسمه اللي نسنست هلت همايلها
تهيض قلبي اللي من عنا سرالهواء محروق
يألف من بيوت تطرب السامع جزايلها
سنا المزنه يذكرني هنوف مُلهمه بالشوق
يهيض مهجة قامت تصافق من غلايلها
سنا المزنه لياشفته بدالي بالظلام ادوق
سرى ليل الطرب بنت الطرب جتنا باوايلها
أحاسيس المشاعر للمعالي طامحه وتفوق
مجملها محملها مكملها مزاولها
مكان النجمة اللي ساطعه وسط الدجى مرموق
تحلى بالجمال وبالكمال اللي مكملها
تعالى الواحد الرب الكريم اللي رفعها فوق
على كل النجوم الله ولي الكون جملها
وغير النجمة اللي خلت انا ما عاد ليه ذوق
انا من حبها دايم صميم القلب منزلها
وهذي حالة العاشق وهذي حالة المعشوق
عشاشيق الغرام المغرمه يبست بلايلها
رحيق للخزامى بالفياض المخضره منشوق
قطفت ازهوره اللي للحبيب جيت حاملها
أحاسيس المشاعر نظمت بالغالي الطاروق
معاني كلمتي بالطيب للمحبوب ابرسلها