رد خاص

الأخ عبدالله القحطاني - القويعية - البيت الذي تسأل عن قائله وهو:
إن كان ما تِدْعا على كل قاله
تراك من حسبت هدوم به أزوال
هو للشاعر خلف أبو زويد السنجاري الشمري - رحمه الله - وأكثر قصائده بوصف الجيش والشهامة وطلبه للعلياء وحثه عليها والقصيدة هي:
دخّيل أخذْ من والدك لك مِسَالَه
مِسَالَةٍ ما يفهمه كل رجَّال
إحشم خويَّك عن دروب الرزاله
ترا الخوي عند الأجاويد له حال
والمرجلة بالك ترخِّي حباله
وبالك تعيل ولا تريخى لمن عال
إن كان ما تدعا على كل قاله
تراك من حسبت هدوم به أزوال
إن كان دَلْوكْ ما تميحه شماله
ترا الرجال يطوِّحونه على الجال
رفيقك الداني إلى شفت حاله
أحمل عليك من المعاليق ما شال
يعلّ رجلٍ عيشته دوب حاله
عسى تدور زوجته فيه الأبدال
الحمّرة تدرك معوشة عياله
وإلا الرجل يبغى منه بعض الأحوال
فإن صار لك من عوص الأنضا زماله
حمرا تورد بك إليا سرَّب اللال
تمرس كما تمرس خطاة المحاله
مع ما قعٍ عن مال من جامعه ذال
خلَّه مع الدّيَّان تمشي لحاله
لا صرت ما أنت للمسة الخشم حمال
ترا رُبع يومٍ مقعدك بالشَّكاله
يسوى حلالٍ عايشين به أنذال