ضيقة

تضيق فينا الواسعة بعض الامرار
ونزود الضيقة من الكبت ضيقه
تحدنا الدنيا ونصبر ونحتار
ماودنا يدرون بعض الخليقه
نضحك ونسترها وهي تشتعل نار
تبدي ملامحنا خلاف الحقيقه
اقول في نفسي ترا الوقت دوار
تزين لو شانت ونلقى طريقه
دام انها تدرج الى وقفت عار
نمشي وتمشي والجلادة عريقه
ياما تكبدنا المشقة والاضرار
لين الامل ينشف من الصبر ريقه
بس انها كبرت علي دون ماختار
وخان الصبر منهو يعده شقيقه
ماجابني لك كود تضييق الاقدار
وماعاد به درب ٍ يبشر مضيقه
والحمل لو مازاد واستفحل وجار
والله لاشيله باذن ربي واطيقه
انا اكره اللي يستغلون الاخيار
وابغض صديق ٍ مستغل ٍ صديقه
مابيك تستنكر ولو صار ماصار
ماللرفيق الا مواقف رفيقه
ولو مالي بقلبك من الود مقدار
وعلاقتك بالجود ماهي وثيقه
ماجيت لك وضلوعي الحدب للنار
خليتها بالصدر تشعل حريقه