صدق النوايا

جديد الشعراء

توقفت هذه الزاوية فترة,, وكانت مطالبات القراء باعادتها كثيرة,, وها نحن نعيدها اليوم مع نص جديد رائع خص به مدارات شعبية الشاعر الشيخ محمد البراهيم,.
ولأن النصوص الرائعة تقدم نفسها فها نحن نعرض لكم جديد الوافي دون تقديم:
خليني اسأل غلطتي واجرح أقصاي
وانتي تعالي بس لحظه وروحي
أنا البعيد اللي تقرب لي ادناي
وانتي تبين العلم بآخر سروحي
كان اعترافاتي بداية خطاياي
ياكثر ما بينت جرحٍ بروحي
نهايتي ما تختلف مثل مبداي
آخر غموضي كنه اول وضوحي
وافي وحبيت الوفا في نواياي
ماني على صدق النوايا شحوحي
كانه على وضح النقا تفرح اعداي
الله معي ياكبر غيظ النصوحي
لو يبتعد من موج الاشواق مرساي
لا تشغلين القلب هذي جروحي
وان كان صارت غلطتي سر ممشاي
لو زاد حملي ما يغير طموحي
يابنت يوم ارخصت لك جرح سلواي
واعلنت لك عن سر جرحي ونوحي
ماني رخيص الذات عندك بشكواي
لو كنت في كل المواقف سموحي