بين شطرين

كل جرح فات لي منك هديه
وش بلاك تخاف من رد الهدايا؟!
بدر بن عبدالمحسن
وا صوتي اللي عجزْت الناس توحيه
غريب يوم أصوات غيري تشابه
البيت بيتك والمواري مواريه
لكن كبرْت و لا كبر معك بابه
محمد الحويماني
قبل تشوفين دمعك ويش سوّا بك؟!
شوفي وش اللي مع الأيام سويتي
رحتي لوقتك، وخانك وقتك وجابك
لا تقولي إنك عشان الحب رديتي
عوّدت قلبي على فرقاك وغيابك
كل ما سألني أقول إنك توفيتي
محمد الوسمي
خلوني اسجّ عن موضوعه أحسن لي
وإلا الغلا...والله إن يبطي وهو غالي
سعد بن جدلان
شف مواريها ابتلتني...مثل ماني مبتليها
وقّع الله في ضلوعي سهمها والقفر خالي
والله إني لو ما أبيها كان قلت إني ما أبيها
بس أبيها ثم أبيها...لو على حذفت عقالي
بدر الظاهري
يا ليتني بينك وبين المضرّه
من غزة الشوكه...إلى سكرة الموت