قبل يومين

قبل يومين رحت ادله مع افكاري ولا ادري وين
خذتني وقلت يا سبحان ربًَ غير احوالي
تذكرت الذي لاجله خفق قلبي ورف العين
هجرني واهدر اشواقي جرحني وحطم امالي
مشيت وخطوتي يمه نغم يبكي على عامين
هدر ضاعت شكت نادت ماتت مالها والي
الا يا وين صبري راح ولا ادري كم بقى غالين
وانا كل ما اجر الآه بكى صبري وغنى لي
الا يا نشوة ايامي الا يا فرحة المسكين
لقى حظه ولكنه توارى وطاح من عالي
عرفت الحب من كلمه خذتني السالفة وسنين
زرعت بخافق يثمر غلاه لعاشق وغالي
ولكن انصفع ودي بيد اللي له الثنتين
عيون لو تكلم يوم دمعه قال عزالي
انا ما ابكي على فرقاه ولا من وين راح وفين
انا يكفي اعيش انساه وارثي حالي بحالي