عيوني مرايا

يا فؤادي لا تسلهم يا فؤادي
دام دمعك جند وأحزانك سرايا
انكسرت وما سلم حتى زنادي
كيف أثور وما بقى فيني بقايا
استمعت الصمت بأنفاسي ينادي
كن صمتي بوح وعيوني مرايا
التمست من الزمن نسيان هادي
ولا وعيت إلا وأنا جروحي عرايا
ويا سهادي وين وصلني عنادي
ليه أكابر وأنفي الجرح بزوايا
وليه أقول إن ما حصلي شي عادي
والحزن يغتال صدري والحنايا
ما هقيت الوقت يخدعني برشادي
ولا هقيت القمح يتنكر رحايا
ولا هقيت إن هقوتي خانت مرادي
لين يدي خطت بحبر رثايا