من الذات

لو تندفع بي في عميق المحيطات
ما قلت لك يا هاجس الشوق كافي
تنساق لك نبضات قلبي من الذات
ما بيننا عذر وصدود وتجافي
بيني وبينك فالعلاقة قناعات
في كل حال إخلاص وشعور وافي
والغاية اللي فوق كل العبارات
إتقان توقيتك وسبق اكتشافي
لإحساسك المرهف فضا واتجاهات
في واقعي لو ما كتبت اعترافي
حس الجفا رغم ابتعاد المسافات
ما طب ذكره في مرابع ضفافي
في كل موقف والمواقف دلالات
ما هوب يقفا صدق الأشواق قافي
شعورك أبلغ وأنت في كل الأوقات
طاريك لي عن باقي الناس كافي
حالة وضوح وشامخ إحساس غايات
الكلمة اللي ما عليها خلافي
ما بين نار الصمت وجروح الآهات
وضحت لك سرٍ بالأعماق خافي
شاعرة سعودية