لا تحزن

ياقلب لا تحزن علشان من راح
خله يروح ولا ترجى رجوعه
شوفه بدونك كيف عايش ومرتاح
مابين خلانه وباقي ربوعه
وأنت الحزن يسرق من ايامك افراح
تعطش على وصله ويذبحك جوعه
ما جاك منه إلا سهر ليل وجراح
واللي يلوعك لا حشى ما يلوعه
تذكر ان الحب جاير وذباح
وأنساه لا تمشي بصوبه وطوعه
خسارته تغنيك عن كل الارباح
ماهو خساره مثل هذا ونوعه
العام مايرضيك دمعه ليا ساح
واليوم حتى لا تصدق دموعه
اعتبره انه حمل ياقلب وانزاح
حتى لو إنه جاك يعلن خضوعه
عن الجبل لاتنزل تشوف وش طاح
ترى الجبل أصعب وصوله طلوعه
اللي بدوني يقدر ايام يرتاح
أنا عليه أصعب لو يحب كوعه
شاعر سعودي