اخترت فرقاك!

اخترت وصلي يوم أنا اخترت فرقاك
هذي هي العالم إذا بعت.. تشريك
اللي نسى غيرك مع الوقت ينساك
قلبي وأعرفك زين ما عاد يغريك
أنا عطيتك قلب من حبه أطغاك
وخليت كل الكون هذا يراعيك
ضيعت عمري بين أحبك وأهواك
ومن هبة النسمة برمشي أداريك
في كل عين أدورك دايم ألقاك
حتى وأنا في لذة النوم أناديك
مع كل هذا شوف ما فاد وياك
الحين جاي تقول بالله وش فيك؟
رح واترك أوجاعك وصمتك وذكراك
يمكن تلاقي قلب يرفض يخليك
صحيح عز الوصل في يوم فرقاك
لكن هي العالم إذا بعت تشريك
سلطان الأسيمر