سامحيني

سامحيني أحبِّك.. ما قدرت أسعدِك
أطلب العذر منّك.. والمسامح كريم
من حياتك أبا أرحل وإن قدرت أوعدك
لأجل تنسين حبي أجرحك في الصميم
ما كرهتك.. ولكن عن أساي أبعدك
أكره إني أشوفك عايشه في الجحيم
الهوى في فؤادي والعشق خلّدك
بس بالحب وحده.. ما يدوم النعيم
وش يفيدك ودادي إن عجزت أسندك
من تصاريف دهري والزمان العقيم
ما أبا أظلم شبابك.. آهتي تجهدك
من عذابي عذابك يا غناتي عظيم
صافح الأنس قلبي يوم صافح يدك
وافتكرت السعاده في حياتي تقيم
وافتكرت إني أقدر في الحياة أسعدك
للأسف صرت همّك حاضره والقديم