عطر القصيد

حبيبتي قبل أشعل شموع المحبة والغرام
أبكتبك حلم السنين... وأبنتثر لك وأحتويك
وإن جيت لك من لهفتي بألملمك قبل الهيام
وأبشربك حب وغلا وأعطشك وارجع وارتويك
تعالي يا كل الوله مشتاق والدنيا زحام
تغاب ساعة وأفقدك ... ويفقدك قلب يحتريك
وإن جيتيني جاك الشعور اللي سكن صدر الغمام
وأمطر لك إحساسي وبرجع لك واسولف وابتديك
من قدك المياس اببدى وابتدي فيك الكلام
وأكتبك ياعطر القصيد والشوق يدفعني عليك
من أولك لين أخرك لأخر تفاصيل القوام
كلك على بعضك سحر والله ما ادري كيف اجيك
حتى القمر شفت القمر لا طل من وسط الظلام
هذا أنت لا طليت والعالم تناظر لك تبيك
تعال واسكن في عيون تسهر وطيفك ينام
وألا تعال اسكن ضلوع من عرفتك تهتويك
حبك ترانيم الحياة واصدق تعابير الوئام
وكلك على بعضك وطن في خافقي وأنت المليك
تعال ولعني وأصير لحضرتك شمع الغرام
وأذوب بأنفاسك غلا وأنثرك وارجع وأحتويك