مقاطع من جسد

سألت نفسي... قلت لي:
مين الجسد؟
واذكرني قلت: السجن
لكن صرخ بي داخلي:
لو كنت مسجون بجسد
ما حاصروك بسجن!
***
قالت ? وفاحت شمس:
صدق الجسد من طين؟
قلت: وبذرت بوجنتك قبلة
رغم انها بالغصب
اليوم صارت وردتين
قالت: احب الله
طيني عنيد وخصب
***
اذكر قبل عامين أو أكثر قليل
لا والله أقل بليالي وافرة
وطى مهر جثة / ليل
لا ما كبا
لكن تنجّس حافره
في حينها شفت الجسد
.. يكفر بدين الثايرين
لا صارت أرواح الأوادم كافرة
***
لما خلقت وشفتني
والدرب خالي... فيه احد
قال: ايه
واذكرني قلت بحقد: ليه؟
اما إنا قال برضا:
الله خلقنا في كبد
***
هذا الجسد من يوم ميلاده
وأنا معه عيا يجافيني
سألتني: لا أكون أنا بلاده؟
جاوبتني: يا غربته فيني
أحيان أحسه كله زيادة
وأحيان أحسه ما يكفيني
وأحيان لا صار التعب عادة
أحسني من بعد اناديني:
لولا الجسد ما خلقت وسادة
ولا لمست البدر بيديني
ولا ركعت بصدر سجادة
حتى شعرت إني على ديني..!!