الحطب

مثل الحطب ... كنت احترق لجل تدفين
ولامن دفيتي مانفعني رمادي؟
حبك لنفسك كيف خلاك تقفين؟!
النار ماتت ما تبين القعادي!
قد قلت لك: يا بنت تكفين تكفين
الحب وصل أحباب ... يكفي عنادي
ياما هديتي القلب دمعة وجرحين
والقلب منك غيرها ما استفادي
نسيتي أنك داخل القلب والعين
نسيتي يوم انا شبكنا الأيادي
أنتي فرح نبضات قلبي وتدرين
أنك وطن روحي وقلبك بلادي
كنت أطلب الله شوفتك وأدعي: آمين
واليوم أشوفك مثل هالناس عادي!
ومثل الحطب بحرق خفوقك بنارين
نار الوفا مني ... ونار ابتعادي