دموع الحزن

ياشين طاري الحزن لارافق العين
اتعب مشاعر قلب بيح كنيني
لي مدة والشهر كنه ترا سنين
ضاقت بي الدنيا وقلبي حزيني
من شاف حالي ياعرب قال مسكين
هذي دموع الحزن جرحي دفيني
ياعين كفي دمع لاعاد تبكين
لعل باقي الوقت معنا يزيني
لاضاق بي حزني اسولف ببيتين
انا اشهد الجرح والحال شيني
اسباب فقد اللي لنا قرة العين
امي غلا كوني وهي شوف عيني
اليوم ساعة حزن بالوقت يومين
ياثقل فرقا الشوق ياثقل ديني
تكفين يالذكرى وانا اقول تكفين
ماعاد ابي طاريك لا لاتجيني
عقب الفراق اليوم وقتي ترا شين
هذي جروح الوقت دايم تبيني
ياعين حزن الجوف لا لا تهلين
انا يتيم الحظ والناظريني
ان كان تبغى الخير بعطيك شرطين
اعرف مقام البر والوالديني
اليوم انا ياخوك عايش بنارين
نار الفراق ونار شوق يبيني
يعني مثل ماقيل مابين جرحين
جرح الوداع وجرح ظلم السنيني