أروح أروح و ... أرجع لك

للحين للحين مازلتِ على بالي
ما ادري انا ليه اروح اروح وارجعلك
احترت يا غالية باحساسك الغالي
ما بين كثر الجروح وقلب يشفعلك
ما ادري وش الحل لا راضي ولا سالي
إلى متى لاهية والشوق خاضعلك
ذكرى لياليك تحيي ميت آمالي
واحس بك واتغنى فيك واسمعلك
ما قول قلبي على الاحباب متعالي
المسألة كل ما فيني تواضعلك
لا تسأليني وانا احبك عن احوالي
الروح تنبض غلا والعين تدمعلك
شفتك بقلبي وشفت افراحي قبالي
وقلتِ لي انك بخير وقلت يا جعلك
اشكي وتشكين من بعدي وترحالي
قلتِ على مين طالع قلت طالع لك!
يا سالفة عشق اسولفها وانا لحالي
يرضيك لو قلت هذا الحزن من فعلك
يا حبي الأول ويا حبي التالي
عرفت ليه انا اروح اروح وارجعلك؟
سعد بن سعود منادي