خلوني أخفف "حش" اشوي واحاول أمدح وأثني على غير عادتي - يوم صار مدح صرت أكتب عبارات حلوة على غير عادتي- هاه أعجبتكم؟ المهم يا ويلكم ان نسيتوني مره ثانية... والله يرحم والديكم خلوني أركز. قريت مقال ديني ثقافي اجتماعي أكثر من رائع للاعب الخلوق والمميز خميس الزهراني في الرياضي، وتمنيت لو نص لعيبتنا مثله! نص شكلي"مهبول"... قل ربع والا خمس كان شفتوا كيف ينفع الاحتراف مع اللاعبين الواعين والمثقفين. "موب"اللي يقوله البعض... المهم يكون"يفت"كورة وبكيف ثقافته ووعيه؟ لأن"الفتيتة"وهو مصطلح كروي للموهوبين اذا ما كانوا ينتبهون لأنفسهم ويحرصون بيضيعون ولا يطولون ويأثرون على غيرهم... إلا بالعكس يدهورونهم. ما أقول الا لله درك يا خميس ولا تقطعنا من كتاباتك. - ما كان ودّي أرجع لموضوع السرياطي لأنه المفروض إننا قفلنا ملفه... بس الرجال إلا يخلينا نرجع نعلق..."الحبيب"يقول إنو كان مشغل شريط لفنان مو لفنانه... طبعاً يقصد إن الشريط اللي كان مشغله ما هو شريط الطقاقه"موضي"... يحسب إنه يعدل موقفه... يا شيخ لو تشغل أم كلثوم... بس ما لنا غير نقولك"حب إيه اللي أنت جاي تقول عليه"؟! ابن البلد [email protected]
